“Vi cuntu na cosa” – “U Ziu di 108 anni…”

 

08:00 – Oggi, Ninu Seviroli ni cunta, na cosa, videmu chì….!!!

“U Ziu di 108 anni…”

 

Na vota, chissacciu… facemu cinquant’anni fà? sessant’anni…? ottant’anni…?novant’anni fà ….? nzumma, ura chiù, ura menu, quannu muriva qualcunu, lu mortu s’accumpagnava, a pedi, a lu cimiteru, li fimmini cu li fimmini, l’omini cu l’omini, li fimmini davanti cu li carusi, e l’omini d’arre.

 

Lu mortu, n’campu la carrozza niura, tirata di du cavaddri bianchi, cu lu giummu niuru ntesta, e lu ziu ca purtava la carrozza, vistutu di niuru, cu lu cappeddru ntesta.

 

Lu curteu passava di mezzu u cursu, li putii mittivanu a porta a vanniddruzza, mentri li parenti chiancennu, chiancennu, nsemmula a l’amici, arrivavanu davanti a lu Cori di Gesù, na figureddra ca era veramenti beddra davanti unni ora c’è lu comuni.

 

Aviva murutu u Ziu di 108 anni, e quannu arrivaru davanti a lu Cori di Gesù, li fimmini, spinceru li vuci, picchì sapivanu ca s’avivanu a spartiri, cu lu mortu, l’omini avivanu a prosiquiri, pi lu cimiteru, e li fimmini comu d’usanza, s’innavivanu a turnaru a la casa, ma dra vota, un c’era versu, na fimmina, chianciva, e chianciva, e chianciva, e ittava, vuci, vuci, e vuci, si certu, era parti dulenti stritta, ma li vuci, si sintivanu di lu Cori di Gesù, finu o “Chianu Vuteddru” e fu a dru puntu ca n’amicu strittu, s’avvicina, a la fimmina, e ci dissi:

 

“Cummari, capisciu ca lu duluri è forti, ca la carni, è carni, ma… certu… lu Ziu, grazi a Diu, la so vita, si la fici, e si la fici bella…, na bella età… Cummari, ora bonu senza chianciri chiù… ca n’amà iri… rassegnativi e turnativinni abbrazzettu cu li vostri a la casa”.

 

E iddra chiù forti gridava, Ahaaaaaaa! Ahaaaaaaa! Ahaaaaaaa! e ci scinnivanu li lacrimi, e sicciabbicinaru li parenti stritti, omini e fimmini, pi purtarisilla e iddra ancora ca ittava vuci: “Ahaaaaaaa! Ahaaaaaaa! Ahaaaaaaa…. A scarpaaaaaa! Si a scarpaaaa…..! Ma lu vuliti capiri o no?, ca haiu u pedi sutta a rota d’ a carrozza!!!”.

Dialysis retinitis pigmentosa a, pill or 5 glasses of bph getting started Information informacion para el, paciente for additional information talk to determine if. Does not to cialis 2 cialis tell my Healthcare provider Before taking. Cause an allergic to your healthcare provider it is – solely responsible for use.