“Vi cuntu na cosa” – “Dra vota ca San Franciscu di Paula, niscì di la Chiesa, pi iri a truvari a unu”
08:00 – Ninu Seviroli e …… !!!
“Dra vota ca San Franciscu di Paula, niscì di la Chiesa, pi iri a truvari a unu”
Perciò… atà a sapiri, ca intra la Chiesa di lu Rusariu, c’è na statua bellissima, ca la fici un bravissimu scurturi, ca si chiamava Sarbaturi Bagnascu, ed è la statua di San Franciscu di Paula, e precisamenti si trova trasennu ni la Chiesa, a destra prima di trasiri na Sacristia.
Dunqui…, c’era un cristianu ca stava ni paraggi di u chianu Rusariu, ca ogni vota, ca parlava gira vonta e firria, ci scappava un santiuni, e u sapiti a cu santiava? a San Franciscu di Paula, sempri, tantu ca la genti, ci addumannavanu…. “Ma picchì, bastimii a dru Santu Franciscu, ca un t’a fattu nenti?”
Ma iddru, unn’arrispunniva, anzi vuntava li spaddri e s’inni iva bastimiannu.
Na matina, la genti di lu vicinatu, agghiurnaru, cu un pinseri, lu suli era già gantu, ma la porta di lu Zi cosa, un s’aviva graputu, e mancu la finistreddra nica vicinu o finistruni, e un sapivanu chi pinsari, tuppiavanu, e tuppiavanu forti, e chiamavanue ittavanu vuci, ma lu Zi Cosa, unn’arrispunniva e allura accuminciaru a ittari vuci e currivanu lu genti, ma la porta, la finestra ristavanu chiusi e lu Zi Cosa, unn’arrispunniva ancora, finu a quannu un s’arricamparu li Vigili Urbani e li Carrabunera e iddri vidè, Tuppiavanu forti e forti lu chiamavanu: “Zi Cosa…!!! Zi Cosa…!!!”.
Ma un succidiva nenti, e allura a dru puntu, dissiru: “Spunnamu la porta, e acchianamuci du finistruni”, e accussi ficiru e mentri ci stavanu arrizzulannu la porta, e acchianavanu di lu finistruni accuminciaru a sentiri, li lamenti, di lu Zi Cosa, e allura prioccupati mentri acchianavanu ormai cu la porta spunnata ci dicivanu…
“Ma chi avi? Chi si senti?” e quannu arrivaru susu, lu truvaru curcatu ni lu lettu ca smaniava e si lamintava “Ahi..!!! Ahi…!!! a quantu minni detti. Ahi…!!! Ahi…!!! ca un mi pozzu arriminari. Ahi…!!! Ahi…!!!” Allura lu Marisciallu, lu talià, ma unn’avia nenti, ne signala, nè gracciuna, nè sangu, nenti, unn’aviva nenti.
E intantu, cuntinuava a gridari…: “Quantu minni detti. Ahi…!!!”. A stu puntu lu Marasciallu, ci dissi: “Ora basta! Lei deve dirci, Chi le ha dato botte? e quando? perchè io e nessuno di noi vediamo niente”.
E lu Zi Cosa, dicennu Ahi… a ogni parola, dissi… “Iddru… Iddru… Lu Santu cu lu vastuni, Iddru, mi li detti, Lu Santu ca c’è ni la Chiesa di lu Rusariu, Iddru mi li detti, e mi dissi: E si un l’a finisci, appena mi muntui arrè, appena mi vastimii nantra vota, t’innivegnu a dugnu tanti, ca ti lassu, unni moddru e unni duru, e sta attentu, ca iu di la Chiesa ti viu, picchì stamu vicinu, ti viu e ti pustiu, Zi Cosa, mi capissi? Vidi ca a la prossima, ti pistu di Santa arraggiuni”.
E chissu fu lu Zi Cosa, ca un vastimià chiù e soprattuttu a San Franciscu di Paula da Chiesa di lu Rusariu di Raona.
Com is providing preparation material for the https://pro-academic-writers.com/ exam 400-101 which can help the candidates.
